Mona Ahmed مديرة المنتدى
المزاج : عدد المساهمات : 1306 النجوم : 7750 تاريخ التسجيل : 29/05/2009 العمر : 30 الموقع : الاسكندرية
| موضوع: دروس فى الرخامه الجمعة أكتوبر 23, 2009 10:16 pm | |
| بسم الله الرحمن الرحيم
اول حصه لو انتا فى الباص او الميكروباص ************************
انا باخد فلوس الدرس مقداما عشان لو حد حب انه يخلع ولا حاجه
يلا نبتدى كل واحد يجهز الكراسه والقلم
لو راكب فى باص أو ميكروباص وجنبك حد نايم اوعى تسيبه نايم كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك اتمطع بقى وقول ياسلام على الراحة الواحد مكنش عارف هيعمل أيه لو مش قاعد لو العكس بقى اقعد اسأل كل واحد انت نازل فين واقعد قول بصوت عالى ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان يعنى قوله هو لغاية الحتة الفلانية بكام طب لغاية الحتة دى بكام اسأل على تمن كل الاماكن اللى تعرفها لحد مايقولك ياعم خلصنى رايح فين قوله مانا عشان ابقى عارف بس وتقل فى العيار يمكن يسيبك ويمشى لما يدى حد تذكرة قوله ورينى كده لو سمحت واقعد اتأمل فيها لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل أنت بقى اوعى تديهاله علطول كده أزعل منك والله دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك أستنى رايح فين أنت نازل عادى كده ولا كأنك رذل ولا حاجة وأنت نازل هيبقى فى ناس واقفة أعمل نفسك مش عارف تعدى وحاول تجاهد على قد ماتقدر وتضيع الوقت اللى تقدر عليه لحد الناس ماتشيلك وترميك بعد ماتكون جبتلهم السكر ورفعت ضغطتهم | |
|
رحيق الجنه مشرفه عامه
عدد المساهمات : 375 النجوم : 5695 تاريخ التسجيل : 15/10/2009 العمر : 32
| موضوع: رد: دروس فى الرخامه السبت أكتوبر 24, 2009 5:41 pm | |
| هههههههههههههههههههههههههههههههههه | |
|
mohamed ahmed عضو جاى لسه بملفه
المزاج : عدد المساهمات : 11 النجوم : 5318 تاريخ التسجيل : 28/10/2009
| موضوع: رد: دروس فى الرخامه الأربعاء أكتوبر 28, 2009 9:56 pm | |
| شكرا | |
|
زهرة النرجس مشرفه عامه
المزاج : عدد المساهمات : 969 النجوم : 6424 تاريخ التسجيل : 15/10/2009 العمر : 26 الموقع : بدل ما تعرفـ مكانـي استغفـر ربك
| موضوع: رد: دروس فى الرخامه الجمعة نوفمبر 13, 2009 11:33 pm | |
| ههههههههههههههههههههههههههههههه ايه الرخامة دى | |
|
سمسم مشاكل عضو سوبر
المزاج : عدد المساهمات : 82 النجوم : 5387 تاريخ التسجيل : 10/12/2009
| موضوع: رد: دروس فى الرخامه السبت ديسمبر 12, 2009 1:07 pm | |
| كويس والله علشان نعرف نغلس شوية ولا ايه ههههههههه شكرا اوى | |
|
Mona Ahmed مديرة المنتدى
المزاج : عدد المساهمات : 1306 النجوم : 7750 تاريخ التسجيل : 29/05/2009 العمر : 30 الموقع : الاسكندرية
| |